ابوذیّات و نعی تخص الام الحنونه
اون ما هوّدت لیلی ویامای
الدهر اعلن حرب ضدّی ویامای
طفت شمعت فرح گلبی ویامای
ابجفاهه الحزن خیّم بس علیّه
...
نشف دمعی ابسهر عینی بلامای
عشت عمری او ثگل حملی بلامای
ابحزن دایم یضل گلبی بلامای
ابحلم مشتاق اشوفنهه الابیّه
...
احس حسره ابدلیلی یمه تانی
او گعدت احذال گبرچ یمه تانی
او صحت و انشلع گلبی یمه تانی
دویت ابنار بس شبگی علیّه
...
حلیبچ بعده اشمّنّه ودارچ
او جنتی اتراب رجلینچ ودارچ
تعبتی او بیش اجبرنّچ ودارچ
تسع تشهر حملتینی اباذیّه
...
ابمطر یا ما سهرنه یامچنّه
وابحضنچ ربینه یا مچنّه
مثل شجره اوزهینه یامچنّه
اخلافچ یمّه مات الفرح بیّه
...
امی الحنینه بیش اجازیچ
اشمّچ وابوس اتراب رجلیچ
اسمعینی ییمّه من انادیچ
حدر التراب اشلون احاچیچ
...
امّی البارتنی ابحلمهه
خلونی اودّعهه واشمهه
یدفّان ریتک لا تطمهه
اتراب اللحد غاطی جسمهه
...
امی ارحلت بس وحدی بالدار
احنن و اون بالفرگه محتار
ضلّن اصورها ابگلبی تذکار
امن اشتم ملابسهه اشب نار
...
سار الضعن باهل الضعن سار
شالو او بعدو و اخلو الدار
ادری ابحلمهه الدنیا دوّار
او بغیابهم ضلّیت محتار
...
احباب النودهم ضیّعونه
جفونا او ما ضنتی نسونه
متعذبین چی ما ودعونه
لیش ابسفرهم ماخذونه
...
شالو نسونی انا ابنهم
امسیرین وانا ابرا الضعنهم
یا ریت اعاتبهم واگلهم
او بفراگهم زادو حملهم
...
هب الهوی او فک عتبت الباب
حسبالی ییمّه طبّوا احباب
ماکو عتب بطّلت الاعتاب
اخلافچ ییمّه الجرح ماطاب
...
جفونا یشبگه اهل الدواوین
هودی ییمّه او لا تونین
نحزن ییمّه اویه المحزنین
ابغیابچ ییمّه ابنار داوین
...
ادگ بالصبر والهم و اعانی
علی الی رحل ما ودعانی
افکر اضن راح او نسانی
عزیز ابمحنته مرمرانی
...
حگی الولی من اعتب اعلیه
اوحیّد او یبارینی واباریه
شفته طریح او ماد رجلیه
اجروحه غمیجه اوبیش اداویه
...
جاسم ثعلبی (الحسّانی) 28/03/1400
الوالده مع الخال ابو فیصل دیوان سالم المسعد
:: برچسب‌ها:
ابوذیّات و نعی تخص الام الحنونه ,
:: بازدید از این مطلب : 54158
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
